Fforymau a grwpiau
Gall fforwm neu grŵp trafod/gweithredu fod yn lle gwych i gwrdd â ffrindiau newydd, cael gwybod am weithgareddau, cymdeithasu a thrafod materion sy’n bwysig i chi fel person hŷn yn byw ym Mwrdeistref Sirol Pen-y-bont ar Ogwr.
Dyma rywfaint o grwpiau lleol sy’n cyfarfod yn rheolaidd:
Fforwm SHOUT i bobl hŷn Pen-y-bont ar Ogwr
Mae fforwm SHOUT Pen-y-bont ar Ogwr yn gweithio gydag Age Cymru, llywodraeth leol, darparwyr iechyd a sefydliadau eraill i gymryd rhan mewn sesiynau ymgynghori ynghylch ardal Pen-y-bont ar Ogwr, ardal Bwrdd Iechyd Bae’r Gorllewin, a materion cenedlaethol os ydynt yn effeithio ar bobl dros 50 oed. Mae aelodau’r Bwrdd yn cynrychioli SHOUT a phobl dros 50 oed Pen-y-bont ar Ogwr ar nifer o weithgorau ar lefel leol a chenedlaethol ac mae’r wybodaeth yn cael ei bwydo’n ôl i’r aelodau mewn cyfarfodydd misol a drwy dudalen Facebook ‘SHOUT Bridgend County’ a thudalen Twitter @SHOUTBridgend.
Mae fforwm Shout Pen-y-bont ar Ogwr yn cyfarfod bob mis yn Neuadd y Bythol Wyrdd, Angel Street: http://www.shoutbridgend.org/joomla/index.php/about-us
Prifysgol y Drydedd Oes (U3A)
Mae Prifysgol y Drydedd Oes (U3A) yn sefydliad cenedlaethol yn seiliedig ar grwpiau lleol sy’n cynnig cyfleoedd i bobl sydd wedi ymddeol neu led-ymddeol i ddod ynghyd a datblygu eu diddordebau.
Mae U3A arferol yn cynnig cyfleoedd dysgu, gweithgareddau awyr agored, digwyddiadau cymdeithasol a theithiau, gan gynnwys unrhyw beth o bridge i arddio i deithiau i’r theatr.
Mae gan U3A grwpiau ym Mhen-y-bont ar Ogwr a Phorthcawl, a gallwch chwilio am ragor o leoliadau drwy ymweld â’r wefan yma: www.u3a.org.uk
Porthcawl
01656 784211
www.u3asites.org.uk/porthcawl
Pen-y-bont ar Ogwr
01656 767529
www.u3asites.org.uk/bridgend
Cyfarfodydd Partneriaethau a Chymunedau Gyda’i Gilydd (PACT) gyda Heddlu De Cymru
Nod cyfarfodydd Partneriaethau a Chymunedau Gyda’i Gilydd (PACT) yw rhoi cyfle i chi dynnu sylw at y materion cymunedol sy’n cael effaith ar ansawdd eich bywyd a’ch helpu i benderfynu pa faterion y dylid rhoi blaenoriaeth i ymdrin â nhw. Nid cymhorthfa i drafod materion neu bryderon unigol ydynt. Mae tîm heddlu eich cymdogaeth yn cynnal cymorthfeydd PACT ar wahân. Mae’r cyfarfodydd hefyd yn rhoi cyfle i chi ddod i adnabod eich swyddog lleol.
Ewch i https://www.south-wales.police.uk/cy/cartref/ i gael manylion eich cyfarfodydd PACT lleol a’r materion sy’n effeithio ar eich cymdogaeth.
Sefydlu eich clwb dysgu cymunedol eich hun
Mae’r canllaw hwn yn cynnig cyngor ymarferol ar gyfer sefydlu eich clwb dysgu cymunedol eich hun. Mae hefyd yn tynnu sylw at sefydliadau ac adnoddau a all helpu. Cliciwch yma i weld y canllaw.
