Gwasanaethau Synhwyraidd
rhan o’r Tîm Adnoddau Cymunedol, CBSP
yngor arbenigol, gwybodaeth, cefnogaeth ymarferol ac adfer ar gyfer oedolion a phlant sydd â nam synhwyraidd. Mae Nam Synhwyraidd yn cynnwys:
- Pobl fyddar – pobl sy’n ddiwylliannol Fyddar ac sy’n defnyddio Iaith Arwyddion Prydain (IAP) yn gyffredinol fel eu hiaith gyntaf.
- Pobl drwm eu clyw – pobl sydd wedi colli eu clyw ac sy’n defnyddio lleferydd fel eu prif ffurf ar gyfathrebu yn gyffredinol.
- Pobl sydd wedi colli’u golwg i raddau amrywiol – dall, rhannol ddall neu’n colli eu golwg.
- Pobl â Nam Synhwyraidd Deuol, a elwir hefyd yn Bobl Fyddar a Dall. Gall bod yn fyddar a dall ddatblygu dros amser (caffaelwyd) neu fod yn bresennol o enedigaeth (cynhenid).
Pwy all gyfeirio at y gwasanaeth?
Y cyhoedd, gweithwyr proffesiynol y GIG, optometryddion, gofalwyr, perthnasau
Meini prawf/Meini prawf cyfeiriol
-
Yn seiliedig ar ddiffiniad y Ddeddf Cydraddoldeb: nam corfforol (h.y. nam synhwyraidd) neu nam meddyliol sy’n cael effaith niweidiol sylweddol a thymor hir ar allu person i gyflawni gweithgareddau arferol o ddydd i ddydd.
-
Mae’n ofynnol i ni gynnig asesiadau ar gyfer pobl sydd â Thystystgrif Feddygol ffurfiol o Nam ar y Golwg gan Ymgynghorwyr Llygaid mewn ysbytai, ond nid yw ‘cofrestru’ yn hanfodol i asesiadau synhwyraidd arbenigol.
-
Nid oes un lefel benodol o golled synhwyraidd ar gyfer mynediad at atgyfeiriadau a chefnogaeth – yn gyffredinol cysylltir â ni pan nad oes modd cywiro problemau gyda llygaid a/neu glustiau gyda sbectol neu lensys cyffwrdd a/neu gymhorthion clywed mwyach ac os oes effaith sylweddol ar weithgareddau o ddydd i ddydd.
-
Cyfeirio pobl â nam synhwyraidd deuol/byddar a dall – pobl â nam ar y golwg a’r clyw sydd, o’u cyfuno, yn cael effaith sylweddol ar eu bywydau o ddydd i ddydd.
Pwy fydd pobl yn ei weld?
Swyddogion Adfer, Gweithwyr Cymdeithasol, Cynorthwywyr Synhwyraidd
Beth all pobl ei ddisgwyl gan y gwasanaeth?
Cyngor arbenigol, gwybodaeth, cefnogaeth ymarferol ac adfer ar gyfer pobl sydd â nam synhwyraidd.
Asesiad Adfer Arbenigol a/neu Asesiad Gwaith Cymdeithasol/Cefnogaeth Cynorthwy-ydd Synhwyraidd.
Pwy mae’r gwasanaeth yn cyfeirio ymlaen i?
Mudiadau’r Trydydd Sector sy’n cynrychioli nam synhwyraidd ee RNIB, Action on Hearing Loss, Sense, Deafblind Cymru.
Sefydliadau lleol a chefnogaeth fel Gofal a Thrwsio, Swyddog Cyswllt Clinig Llygad yn POW, grwpiau synhwyraidd cymunedol, Optometryddion Golwg Gwan.
Manylion cyswllt
E-bost: ContactAssessmentReviewTeam@bridgend.gov.uk
Llythyr: Pwynt Mynediad Cyffredin (Gwasanaethau Synhwyraidd) Trem Y Môr, Ffordd Betws, Betws, Pen-y-bont ar Ogwr CF32 8UN
Ffôn: 01656 642279
Testun Symudol: Tecstio ABC ac wedyn 07976322473
Ffacs: 01656 642300 Ysgrifennwch ‘Cefnogaeth/Cyfeirio at Waith Cymdeithasol” ar bennawd y ffacs.
Ffacs: 01443 849955